Te Vora, nuk ndalet puna. Punohet në të gjitha drejtimet, stafi teknik merret me lojtarët që stërviten rregullisht për ditë, ndërsa drejtuesit po merren me formatimin e skuadrës së ardhshme, ku deri tani janë konfi rmuar zyrtarisht 3 rinovime lojtarësh, Dajan Shehi, Shkëlzen Ruçi dhe Jurgen Vrapi, që kemi bërë me dije ditë më parë si dhe 4 largime si Enis Fazllagiç, Irgi Kasalla, Manfredas Ruzgis dhe Xhuljo Tabaku.
PAS RUZGIS IKËN DHE TABAKU – Ishte 1 korriku i vitit 2023, kur Xhuljo Tabaku ju afrua Vorës pas largimit nga Korabi, duke vijuar bashkëpunimin me klubin vorak deri më sot. Gjatë rrugëtimit të tij 3 vjeçar, duke qenë tepër i suksesshëm në tre sezonet e fundit (2023-24, 2024- 25 dhe 2025-26) edhe si kapiteni i skuadrës që e ngjiti Vorën në elitë, duke marrë dhe një trofe me Vorën, atë të kategorisë së parë. Largimi tij është bërë i ditur nga vetë klubi vorak, të cilin e falënderon për kontributet e dhënë në tre sezonet e fundit, duke njoftuar përfundimin e bashkëpunimit me ish-kapitenin.
“Xhuljo ka qenë pjesë e rëndësishme e rrugëtimit tonë, duke kontribuar me përkushtim, sakrifi cë dhe shpirt luftarak që nga koha në Kategorinë e Parë e deri te ngjitja historike në Superiore. Ai ka dhënë gjithmonë maksimumin në fushë, duke mbrojtur me krenari fanellën e Vorës dhe duke qenë shembull për grupin me karakterin dhe profesionalizmin e tij. Të falënderojmë për gjithçka dhe të urojmë shume suksese ne vazhdim të karrierës”, shkruante klubi.
Gjatë këtij sezoni, Xhuljo Tabaku, që funksional ka pasur gjithmonë rolin e mesfushorit shkatërrues para mbrojtjes, zhvilloi 21 ndeshje, shënoi një gol me vlerë një pike atë kundër Teutës në Durrës dhe dha një asist. Këtë herë në përfundimin e kontratës, 30-vjeçari kryeqytetas, nuk arriti të rinovonte më tej. Ai ishte shok i ngushtë që në Gjermani, me lituanezin Manfredas Ruzgis, në kohën kur ai luante për ligat e ulëta gjermane si Ëuperstaler SV, SC Uiedenbruck, TuS Erndtebruck, pasi jetonte në Gjermani për afro 9 vite, me familjen e tij, që kur ishte ende fëmijë (2014-2023). Aty ishte dhe njohja e tij e parë, me lituanezin Manfredas Ruzgis dhe u bë shkak për ardhjen e tij te Vora në sezonin 2024- 25, ku Vora u ngjit nga Kategoria e Parë në Superiore dhe 24 golat e tij, arritën suksesin e kësaj skuadre. Pas largimit të tij, tashmë është larguar edhe Xhuljo Tabaku.
MIQËSORJA ME PARTIZANIN – Vora sot do të zhvillojë një test miqësor me Partizanin në stadiumin e Vorës në ora 17:00. Kjo ndeshje do të ketë më shumë vlera provash për të rinjtë, që priten të bëhen pjesë përbërëse e ekipit të parë, nga të dy trajnerët e skuadrave. Kujtojmë se Vora e Partizani janë përballur me njëra tjetrën, 4 herë gjatë këtij sezoni, që u mbyll duke ndarë pikët në mënyrë të barabartë me njëra-tjetrën, një fi tore 1-0, ka marrë Vora gjatë fazës së tretë dhe një fi tore po 1-0, ka marrë Partizani në fazën e parë, ndërsa dy fazat e tjera ndeshjet janë mbyllur në barazim 0-0 dhe 2-2. Edhe pse nuk e ka vlerën e një ndeshje zyrtare, kjo që do të luhet sot, qëllimet e saj nuk mungojnë, pasi të dyja skuadrat do të testojnë lojtarët që kanë në dispozicion, por njëkohësisht meqë stërvitje do vijojnë deri në fund të këtij muaji, lojtarë do të heqin dhe rutinën e përditshme të seancave stërvitore.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
