Edhe pse protestuesit thërrasin në kor “Rama në burg, Berisha në burg” apo “Edi Rama ka mbaru, edhe Berisha ka mbaru”, si dhe “opozitë e shitur, opozitë e shitur”, deputetja e Partisë Demokratike, Jorida Tabaku ka zgjedhur të dalë në bulevard mes protestuesve.
Kujtojmë se fillimisht Partia Demokratike nuk i mbështeti protestuesit, por doli në përkrahje të investimit në Zvërnec.
Vetëm ditët e fundit deputetë të opozitës kanë mbajtur qëndrime, kryesisht në rrjetet sociale, pro protestuesve që kërkojnë dorëheqje të Ramës dhe anulim të projektit në Zvërnec.
