Sharl Lëklerk po kalon ndoshta periudhën më të vështirë që nga momenti kur iu bashkua Ferrarit. Piloti nga Monako duket se ka humbur ndjesinë e duhur me makinën, ndërsa dy tërheqjet radhazi nga garat kanë konfirmuar krizën e thellë që po përjeton.548Pas garës në Barcelonë, Lëklerk analizoi momentin e vështirë: “Për t’u rikthyer në formë duhen vetëm rezultate të mira.
Nga ana teknike ka qenë e vështirë të menaxhohen disa situata kohët e fundit, por unë vetë nuk kam qenë në nivelin e duhur. Luis ka qenë gjithmonë një hap përpara që nga Kanadaja. Jam i lumtur për të, e meriton plotësisht. Tani më takon mua të punoj më shumë”, u shpreh piloti i Ferrarit, i cili më tej shtoi: “Zili? Aspak. Jam i lumtur për Ferrarin dhe për Hamiltonin. Por nga ana ime duhet të jem i sinqertë, jam i zhgënjyer dhe me këtë ndjenjë do të kthehem në shtëpi. Duhet të rifillojmë nga e para dhe të përgatitemi për garën në Austri”.
Megjithatë, drejtori i Ferrarit, Fred Vasër, i doli në mbrojtje: “Sot, nuk ishte faj i tij”.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
