Pesë javë kanë mjaftuar që Egnatia e Nevil Dedes të japë sinjalin e parë se kampionët nuk kanë ndërmend të ndryshojnë ritmin e viteve të fundit. Edhe pse është ende shumë herët për të nxjerrë përfundime për titullin, shifrat e para janë domethënëse. Pas pesë javësh, Egnatia ka grumbulluar 12 pikë. Është një start që e vendos skuadrën në një ritëm më të lartë krahasuar me tre sezonet e fundit, kur në krye të ekipit ishte Edlir Tetova. Në secilin prej atyre tre kampionateve, Egnatia kishte arritur kuotën e 10 pikëve pas pesë javësh. Më pas, rrugëtimi përfundonte me të njëjtin rezultat të madh: titullin kampion. Tani Dede ka dy pikë më shumë në të njëjtën fazë të sezonit. Një diferencë e vogël në shifra, por interesante për t’u parë në kontekstin e një skuadre që synon të mbrojë kurorën.
Egnatia e Tetovës kishte krijuar një lloj ritmi të qëndrueshëm në startet e kampionateve. Tre herë radhazi, pas pesë javësh, rrogozhinasit kishin mbledhur nga 10 pikë. Nuk bëhej fjalë për një start spektakolar në aspektin e numrit të pikëve, por ai ritëm ishte i mjaftueshëm që skuadra të ndërtonte më pas rrugëtimin drejt titullit. Në fund të secilit prej këtyre sezoneve, Egnatia shpallej kampione. Kjo e bën edhe më interesante shifrën aktuale. Dede nuk po ndjek thjesht të njëjtin ritëm. Pas pesë javësh, Egnatia ka dy pikë më shumë se skuadra e Tetovës në secilin prej këtyre tre startëve.
12 pikë kundrejt 10. Kaq është diferenca që ndan startin e Dedes nga tre startet e fundit të Tetovës. Në futboll, dy pikë mund të duken pak, sidomos kur bëhet fjalë për vetëm pesë javë. Por kur i vendos në një krahasim me një skuadër që në tri raste e ka mbyllur sezonin si kampione pasi kishte të njëjtin numër pikësh në këtë fazë, shifra merr një tjetër kuptim. Egnatia e sotme po ecën në një ritëm që, të paktën në këtë moment të kampionatit, është më i mirë se ai që kishte në tre sezonet e fundit. Kjo nuk garanton asgjë, por tregon se kampionët nuk e kanë humbur ritmin pas ndryshimit në stol.
Nevil Dede e mori drejtimin e një skuadre që kishte përpara një sfi dë të madhe, të ruante standardet e vendosura në vitet e fundit. Pas pesë javësh, bilanci i pikëve tregon se Egnatia është në rrugën e duhur. 12 pikët janë produkt i një starti ku skuadra ka treguar forcë për të marrë rezultate dhe për të qëndruar pranë kreut. Edhe pse pati një ndalesë ndaj Elbasanit, reagimi ishte i menjëhershëm me fi toren ndaj Partizanit. Pikërisht ky reagim është një tjetër element që i jep kuptim startit të Dedes. Një humbje nuk u shndërrua në krizë dhe skuadra u rikthye menjëherë te fi torja.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
