jë vogëlushe vetëm 7 vjeçe, e cila mbeti e plagosur rëndë në një aksident rrugor pak ditë më parë, ka ndërruar jetë në spital duke mos u mbijetuar dot plagëve të marra.
Tragjedia nisi pak ditë më parë në unazën e qytetit të Fierit, kur automjeti me të cilin udhëtonte e mitura humbi kontrollin në rrethana ende të pasqaruara plotësisht dhe u përplas dhunshëm me murin e një banese anës rrugës.
Nga përplasja e fortë, 7-vjeçarja pësoi dëmtime të rënda në pjesë të ndryshme të trupit. Ajo u transportua me urgjencë drejt Spitalit Rajonal të Fierit, ku ekipi mjekësor u fut menjëherë në sallën e operacionit për t’i nënshtruar asaj një ndërhyrje kirurgjikale të vështirë.
Edhe pse stafi mjekësor bëri gjithçka që kishte në dorë dhe luftoi me kohën për ta mbajtur në jetë, plagët e rënda rezultuan fatale për trupin e vogëlushes. Ajo ka ndërruar jetë mëngjesin e kësaj të enjteje në ambientet e spitalit.
Kjo ngjarje e rëndë ka hapur një plagë të madhe dhe ka shkaktuar dhimbje të papërshkrueshme te familjarët e saj, por edhe te mbarë komuniteti i Fierit që shpresonte në një mrekulli.
Ndërkohë, grupi hetimor dhe autoritetet policore po vijojnë punën në vendngjarje dhe po kryejnë ekspertizat e nevojshme për të zbardhur shkaqet e plota se përse drejtuesi i mjetit humbi kontrollin, duke çuar në këtë bilanc tragjik.
