Tirana u nis dje në mëngjes dhe tashmë ndodhet në Turqi për fazën përgatitore. Sot do të zhvillojë edhe testin e parë miqësor.
Çorum, që është pjesë e Superligës turke në këtë sezon, njoftoi ndryshimin e axhendës. Sot, më 25 korrik, ishte rezervuar takimi me Igdir që është zëvendësuar nga Tirana. Sfida me bardheblutë do të luhet në “Bolu Von Resort 1 Nolu Sala”. Rikujtojmë që në këtë merkato, klubit turk iu bashkua edhe mesfushori i Kombëtares shqiptare, Ylber Ramadani. 30-vjeçari mund të marrë kështu minuta dhe mund të takohet me futbollistët shqiptarë.
Me orën shqiptare ky takim nis në 16:00. Sfida me klubin turk do të shërbejë për Dean Klafuriç. Trajneri kroat mund të shikojë gjendjen aktuale të skuadrës, ndërsa ka mbetur një muaj nga fillimi i kampionatit.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
