Njw Wenger i ri në Londër. Ky është objektivi i Arsenal, me “topçinjtë” që synojnë të blindojnë Mikel Arteta. Drejtuesit e klubit janë jashtëzakonisht të kënaqur me teknikun spanjoll, me këtë të fundit që i rikthehu të titulli në Angli pas dy dekadash, ndërsa prekën edhe finalen e Champions League. Arteta është futur në vitin që i përfundon kontrata, por asnjë nga palët nuk është i shqetësuar për këtë pjesë, prej kohësh kanë gjetur akordin në parim për rinovimin e kontratës.
I pyetur në lidhje me këtë pjesë Arteta theksoi: “Jam jashtëzakonisht i lumtur dhe ndihem shumë mirënjohës që punoj dhe bashkëpunoj me këta njerëz”, u shpreh tekniku spanjoll.
Këtë periudhë, Arsenal dhe përfaqësuesit e Arteta-s, të kushtëzuar edhe nga fakti që trajnerit i përfundon kontrata, po i japin dorën e fundit edhe detajeve të kontratës së re.
Sipas BBC, Arsenal synon të mbyll 10-vjeçarin e parë me Artetan pasi i kanë ofruar një kontratë të vlefshme deri në vitin 2029. BBC gjithashtu zbulon se do të ketë një përmirësim të ndjeshëm të pagës. Aktualisht, Arteta përfiton 10 milionë paund në vit, plus 5 milionë të tjera bonuse.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
