Nga Mentor Kikia
Ne kuader te direktives per te takuar e folur me njerezit, edhe Zegjineja shkoi ne fshat. Vizitoi dy vreshta. Pasi sqaroi “misterin e madh publik” te mos perputhjes mes fotove me rrush te zi dhe rrush te bardhe, tha se ishte aty “per te pare zhvillimin e tokes dhe forcimin e ekonomise se zones…. Duke mbeshtetur fermeret, do rrisim cilesine, do rrisim eksportet dhe krijojne nje te ardhme me te mire per bujqesine”.
Nuk po merrem me mesazhin, eshte tjeter histori. Po merrem me fenomenin. Te berit foto e video qe tregojne serat me perime, fushat me shalqi e pjeper, tani edhe vreshtat me rrush, ullishta e pemtoret me kumbulla e pjeshke, eshte nje trend politik. Por cfare kerkojne deputetet neper sera e ara, cfare kane bere ata per ata fermere? Fermeri nuk mbeshtetet duke i bere foto rrushit Zegjine dhe ju zegjineret e tjere!
As duke i thene “te lumshin duart”.
Bujqesia shqiptare eshte me e keqfinancuara ne rajon. Ajo eshte me e pa organizuara, me e prapambetura ne teknologji, e per pasoje, me pak konkuruesja ne nje treg te eger, qe do te behet eshe me i eger nese perparojme drejt BE-se. Kur ju erdhi akti normativ per ti dhene Kanye-it 4.2 milion Euro, pasi nuk iu shiten biletat, sa nga ju e ngriten zerin per te thene: Jo, mendoj qe me mire eshte tia japim fermereve keto para! Te ndertojme nje kanal ujites!
Sa nga ju kane kerkuar, kur ka ardhur buxheti ne parlament, qe te rriten edhe me shume investimet dhe subvencionet per bujqesine? Te mos realizohet, por te pakten te deshmoni se jeni te shqetesuar?
Sa nga ju kane kerkuar te jepen fonde per kerkimin shkencor ne bujqesi, per pershtatjen e sektorit me ndryshimet e klimes qe po e shkaterrojne?
Sa nga ju folen ne parlament, per te kerkuar pergjegjesite, kur i zbulua se fondet e IPARD-it nuk shkuan tek fermeri dhe agroperpunuesi, por u bene vila e pishina? Sa nga ju kane reaguar, kur kamionet me domate e speca mbeten me jave e qelben neper doganat e Maqedonise, Serbise e me tutje?
Sa nga ju keni reaguar e kerkuar qe te vendosen standardet e kontrollit te prodhimeve bujqesore, qe te mos helmatisin konsumatorin me hormone e te mos ua groposin prodhimet neper kufinjte e Europes?
Asnjeri! Ne parlament votoni me komande. Kohen ne ate salle te shenjte e shpenzoni duke u zene e share me rivalet politike si grate e “bregut te lumit”, e jo duke u marre me ligjet.
Ndersa tani beni parade neper vreshta e sera. Fermere, nese ju “japin kenaqesine qe t’ju vizitojne”, thjeshte refuzojini. Debojini! Nuk ju hyjne ne pune, jane aty vetem per hallin e tyre se u duhen “Like” ne facebook, nuk ju intereson as rrushi, as domatet tuaja.
