Fluksi në pikën kufitare të Kakavijës vijon i lartë, ndërsa gjatë 24 orëve të fundit janë regjistruar 10.354 persona në hyrje dhe dalje.
Prej tyre, 4.600 kanë hyrë në Shqipëri dhe 5.754 kanë dalë nga vendi.
Në kufi janë regjistruar gjithashtu 2.996 mjete, me 1.705 prej tyre në dalje.
Rritja e lëvizjeve lidhet edhe me kthimin e emigrantëve drejt Greqisë pas përfundimit të pushimeve në vendlindje. Fluksi në Kakavijë pritet të vijojë gjatë gjithë muajit gusht.
