Marcelino Preka po vijon përgatitjet individuale me synimin për t’u rikthyer sa më shpejt në dispozicion të Partizanit. Mbrojtësi kryesor i të kuqve ndodhet ende në fazën e rikuperimit, pasi vjen nga një ndërhyrje kirurgjikale.
Preka po punon individualisht dhe aktualisht nuk është ende gati për t’iu bashkuar plotësisht grupit. Stafi teknik dhe ai mjekësor po e ndjekin me kujdes situatën e tij, duke synuar që rikthimi të bëhet pa rrezikuar gjendjen fizike të lojtarit.
Mbrojtësi pritet të ketë nevojë për edhe pak kohë për të arritur formën optimale dhe, sipas parashikimeve, rikthimi i tij pritet të ndodhë pas ndeshjeve të kombëtareve.
Preka është një nga elementët kryesorë të prapavijës së Partizanit dhe rikthimi i tij do t’i japë më shumë alternativa trajnerit për vazhdimin e kampionatit. Deri atëherë, lojtari do të vijojë programin individual të rikuperimit, me objektivin për të qenë plotësisht gati pas pauzës së kombëtareve.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
