Detaje nga kontrata e Abazajt me Skënderbeun. Ja çfarë përfiton Luftëtari

Kristal Abazaj është padiskutim një nga futbollistët me të ardhmen më të garantuar në Kategorinë Superiore. Kualiteti i tij bëri që të ketë një listë të gjatë klubesh që e kërkojnë, por ai u zyrtarizua sot te Skënderbeu.  Përveç faktit që futbollisti do qëndrojë deri në fund të sezonit te Luftëtari ka edhe detaje të tjera të kontratës. Duke qenë se ka firmosur me Skënderbeun, për 6 muajt e mbetur të kampionatit do jetë klubi korçar që do e paguajë rrogën e Kristal Abazajt, ndonëse do luajë me Luftëtarin. Klubi gjirokastrit do përfitojë një përqindje të konsiderueshme nga kartoni i Abazajt, në rast të shitjes së tij jashtë Shqipërisë. Skënderbeu do tregojë gatishmëri për të huazuar elementë të rinj te Luftëtari, të cilët mund të mos jenë në planet e trajnerit Ilir Daja. Futbollisti Kristal Abazaj do përfitojë një pagë prej 5 mijë eurosh në muaj.