Luftëtari po ndjek një politikë të nisur prej disa sezonesh, kur mblodhi në Gjirokastër lojtarë të rinj të talentuar dhe u dha mundësinë të tregojnë vlerat e tyre e sot të jenë ndër më të kërkuarit në treg. Dje prezantoi elbasanasin Keidi Balla, ndërsa sot ishte radha e vlonjatit David Bocaj për t’u prezantuar si lojtar i ri i gjirokastritëve. Janë të dy 19-vjeçarë dhe konsiderohen talente që do të shkëlqejnë me fanellën e Luftëtarit.
Bocaj luan si mesfushor i majtë dhe është rritur te Flamurtari, ndërsa së fundi ka luajtur me Orikumin në Kategorinë e Dytë. Mund të jetë Bregu i ri, pse jo…? Luan në të njëjtin pozicion dhe është edhe ai vlonjat. Një vlonjat është në ikje dhe një tjetër vlonjat e zëvendëson.
