Ish-ministri i Shëndetësisë, Ilir Beqaj, u paraqit mëngjesin e kësaj të premteje në GJKKO, në kuadër të seancës gjyqësore për dosjen e “Sterilizimit”.
Mirëpo paraqitja e tij ditën e sotme nuk është pritur mirë, pasi në hyrje të godinës, disa protestues e kanë pritur Beqajn duke e thirrur atë “hajdut”, teksa ai po merrej në pyetje nga gazetarët.
“O hajdut, o hajdut! Je turpi i kombit shqiptar!”, dëgjohen duke thënë protestuesit drejtuar ish-ministrit.
Ilir Beqaj po gjykohet për akuzat e vjedhjes duke shpërdoruar detyrën dhe grup i strukturuar kriminal.
Ilir Beqaj ndodhej në paraburgimin e Durrësit që prej 4 korrikut të 2024-ës në lidhje me dosjen e sterilizimit dhe abuzimet me fondet e SASPAC. Më 28 maj Gjykata e Posaçme vendosi që ai të gjykohej veçmas për akuzat e vjedhjes duke shpërdoruar detyrën dhe grupit të strukturuar kriminal. Më 31 korrik të këtij viti ai la qelinë sa i përket çështjes “SASPAC”, dhe po gjykohet nën masën “arrest në shtëpi”.
