Në letër, Elche duhet të ishte një “shëtitje” për Real Madrid, fundja Barça i shënoi 5 gola, por në fushë rezultoi e kundërta, ekipi i Jose Mourinho-s vuajti jashtëzakonisht shumë ku u desh një gol i Carlos Espi në shtesë për të dale me 3 pikë. Në fakt, Arda Guler krijoi iluzionin se do ta zgjidhin lehtë këtë takim ku në minutën e 25-të, sulmuesi turk ekzekutoi një goditje fantastike, por për fatin e tij të keq u konsideruar autogol i portierit Dituro. Në të 25-tën ishte radha e Kylian Mbappe, me “gjelin” francez që konvertoi në gol assist e Diomande duke dyfishuar shifrat.
Pikërisht atëherë kur gjithçka dukej nën kontroll, Real Madrid lëshoi terren në fraksionin e dytë, me Elche-n që përfitoi ku Osorio me kokë brenda në zonë ngushtoi shifrat në 1-2. Elche nuk u mjaftuan me kaq, por në minutën e 83-të tronditën Real Madrid ku Fer Nino bëri që stadiumi të shpërthente në festë duke barazuar shifrat në 2-2.
Mourinho reagoi menjëherë duke hedhur në fushë Endrick dhe Espi-n. Ironi e fatit apo jo, por ishte sërish talenti 21-vjeçar që shpëton Jose Mourinho-n teksa në minutën e 91-të dërgoi në rrjetë assistin e pastër të Kylian Mbappe duke i dhuruar Real Madrid një tjetër trepikësh. Falë këtij suksesi 3-2 në transfertë, Real Madrid nuk lejon Barcelonën të arratiset, me një ndeshje më shumë qëndrojnë në kuotën e 15 pikëve.
Pas ndeshjes, Jose Mourinho nuk fshihet, por zbulon problemin e Real Madrid këtë periudhë: “Sigurisht, ky ishte thjesht një trepikësh, asgjë më shumë. Gjatë pjesës së parë kishim ndjesinë se mund të shënonim 3,4 apo 5 gola, por në pjesën e dytë ulëm intensitetit dhe lejuam shumë hapësira. Problemi besoj se është i qartë. Ka disa ndeshje që duken të mbyllura, por që në fakt nuk janë të tilla. I vetmi shpjegim që kam është se nuk arrijmë t’i vrasim ata ndeshje që duken të lehta”, u shpreh Jose Mourinho në konferencë për shtyp.
