Portugalia triumfoi 2-1 përballë Norvegjisë në transfertë, por vëmendjen më të madhe e mori një tjetër detaj: C.Ronaldo qëndroi në stol për 90 minuta, edhe pse ishte plotësisht në dispozicion të trajnerit Jorge Jesus. Për herë të fundit që Ronaldo nuk ishte në formacion titullar daton në shtator të 2024. Në 234 ndeshje me ekipin përfaqësues vetëm në 8 raste Ronaldo e ka nisur ndeshjen nga stoli.
Për herë të fundit që Ronaldo nuk aktivizohet për asnjë minutë daton në qershor 2008. 18 vite kishte CR7 që nuk shijonte një ndeshje të tërë nga stoli. Pas 6,678 ditësh, Ronaldo rikthehet të ngroh stolin, një vendim që pa diskutim po bën jo pak zhurmë në Portugali.
Në lidhje me këtë pjesë u pyet edhe trajneri Jorge Jesus: “Ronaldo ishte në kushte për të luajtur, ishte një opsion për ne. Po mendoja ta aktivizoja, mbase për rreth gjysmë ore, por më pas ndeshja mori një tjetër rrjedhë, më duhej të bëja zgjedhje të tjera”, u shpreh Jorge Jesus në konferencë për shtyp.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
