• Lajme
  • Kryesore
  • Lifestyle
  • Show Bizz
  • Sport
  • Pikante
  • Planet
  • Argjiro +
  • Para dhe Pushtet
  • Portal pune
  • Faqe Interneti
Nuk ka rezultate
View All Result
  • Lajme
  • Kryesore
  • Lifestyle
  • Show Bizz
  • Sport
  • Pikante
  • Planet
  • Argjiro +
  • Para dhe Pushtet
  • Portal pune
  • Faqe Interneti
Nuk ka rezultate
View All Result
Nuk ka rezultate
View All Result

Kompani “Fled” shpk fitoi tender për të tharë liqenin në Lushnje, shkaktoi masakër të pariparueshme mjedisore

01/10/2026
Kompani “Fled” shpk fitoi tender për të tharë liqenin në Lushnje, shkaktoi masakër të pariparueshme mjedisore

Tonelata peshqish kanë ngordhur në rezervuarin e Kasharajt në Lushnjë, pasi ujëmbledhësi është tharë në kuadër të punimeve për rehabilitimin e digës dhe shkarkuesit kryesor.

Pamjet nga terreni tregojnë një sipërfaqe të madhe të mbuluar me baltë dhe peshq të ngordhur, ndërsa një pjesë e tyre kanë nisur të dekompozohen, duke krijuar një situatë të rëndë mjedisore.

Në lidhje me ngjarjen, Policia e Lushnjës ka nisur procedimin penal ndaj administratorit të firmës “Fled” sh.p.k., Fredi Marra.

Firma nën hetim për menaxhimin e ujërave

Sipas Policisë, gjatë punimeve për rikonstruksionin e digës së dëmtuar, kompania nuk ka marrë masat e duhura për menaxhimin e ujërave të rezervuarit.

Si pasojë, një numër i konsiderueshëm peshqish kanë ngordhur.

Materialet i janë referuar Prokurorisë së Fierit, ku hetimet po kryhen për veprat penale “Dëmtimi i habitateve në zonat e mbrojtura mjedisore” dhe “Ndotja e ajrit, ujërave dhe e tokës”.

32 milionë lekë për rehabilitimin e shkarkuesit

Rezervuari i Kasharajt është ndërtuar në vitin 1985, ka një sipërfaqe prej 190 hektarësh dhe kapacitet prej 11 milionë metrash kub ujë.

Ai shërben për ujitjen e tokave në Myzeqe dhe kultivimin e peshqve.

Në vitin 2025, Bashkia e Lushnjës akordoi fondin prej 32,9 milionë lekësh për rehabilitimin e shkarkuesit.

Punimet duhej të kishin përfunduar rreth një vit më parë, por firma që ka fituar tenderin ka kërkuar shtyrje të afatit.

Ministri Salla: Përgjegjësia i takon bashkisë

Në terren ka qenë edhe ministri i Bujqësisë, Andis Salla, i cili deklaroi se përgjegjësia për situatën i takon pushtetit vendor.

“Kjo është totalisht e bashkisë. Ne jemi në ndihmë të bashkisë dhe për ta asistuar në të gjithë mënyrën me Bordin e Kullimit, me drejtorin e Peshkimit dhe gjithë stafin e Ministrisë së Bujqësisë”, deklaroi Salla.

Ministri tha gjithashtu se subjekti që kishte kontratën për shfrytëzimin e peshkut deri në vitin 2022 ishte njoftuar nga bashkia për largimin e peshkut përpara nisjes së ndërhyrjes.

Ndërsa kryebashkiakja Eriselda Sefa, e cila ishte e pranishme, nuk bëri asnjë koment. Sakaq, inxhinieri hidroteknik i Bordit të Kullimit thotë se zbrazja e rezervuarit ishte e vetmja mënyrë për të hapur portat e bllokuara.

“Kjo është e parashikuar edhe nga rregullorja që thotë çdo fund shtatori duhet të kontrollohen shkarkuesit, kullat e marrjes së ujit. Ndërhyrja është e domosdoshme, ndryshe do të shkaktonte katastrofë në qytetin e Lushnjës. Nuk ka mënyrë tjetër për hapjen e portave të ujit”, tha Ferdinant Dervishi, inxhinier.

Korreshi: Për të rregulluar hinkën, u tha e gjithë këneta

Situata ka shkaktuar edhe reagime politike. Deputeti i Partisë Demokratike, Saimir Korreshi, ka qenë në zonë dhe ka publikuar pamje nga rezervuari.

Korreshi e ka cilësuar situatën si një “masakër”, duke ngritur pikëpyetje mbi mënyrën se si janë zhvilluar punimet dhe menaxhuar uji.

“Tonelata peshqish të ngordhur kanë dalë në rezervuarin e Kasharajt. Tmerr i vërtet me atë që ka ndodhur në Rezervuarin e Kasharajt. Për të rregulluar hinkën e daljes është tharë e gjithë këneta”, shkroi deputeti në rrjetet sociale.

Sipas tij, ekspertë të fushës i kanë thënë se një ndërhyrje përpara hinkës së shkarkimit mund të kishte mundësuar ruajtjen e ujit dhe shmangien e ngordhjes masive të peshqve. Kjo mbetet një çështje që pritet të sqarohet gjatë hetimit.

Ndërkohë, banorë të zonës kanë ngritur edhe pretendimin se rrjetat e vendosura përpara shkarkuesit nga administrimi i mëparshëm i peshkimit mund të kenë ndikuar në bllokimin e tij. (Boldnews.al)

Related Posts

Gjolek Guci reagon pas humbjes së Memaliajt: Jam përpjekur të bëj më të mirën. I uroj suksese kryetarit të ri dhe i kërkoj të bëjë maksimumin
Kryesore

Abuzimi me tenderat/ Ish-kryebashkiaku i Memaliajt dënohet me burg, i hiqet për 5 vite e drejta për funksione publike

18/11/2026
Taulant Balla: Rama do qeverisë Shqipërinë deri sa ta caktojmë ne
Kryesore

Taulant Balla: Rama do qeverisë Shqipërinë deri sa ta caktojmë ne

18/11/2026
Shpopullimi/ Jorida Tabaku: Çdo vit Shqipërisë i ikën një qytet sa Gjirokastra, buxheti 2027 nuk zgjidh asgjë
Kryesore

Shpopullimi/ Jorida Tabaku: Çdo vit Shqipërisë i ikën një qytet sa Gjirokastra, buxheti 2027 nuk zgjidh asgjë

18/11/2026
Kumbaro prezanton buxhetin për arsimin: Rriten bursat për studentët në 25 mijë lekë, mbështetje për mbi 11 500 të rinj
Kryesore

Kumbaro prezanton buxhetin për arsimin: Rriten bursat për studentët në 25 mijë lekë, mbështetje për mbi 11 500 të rinj

18/11/2026
Majko: Videot nuk janë me seks, por me lidhje me krimin!
Lajme

Majko: Videot nuk janë me seks, por me lidhje me krimin!

18/11/2026
Qeveria refuzon shfuqizimin e ndryshimeve ligjore për Zonat e Mbrojtura, kërkon siguri juridike për Zvërnecin
Kryesore

Qeveria refuzon shfuqizimin e ndryshimeve ligjore për Zonat e Mbrojtura, kërkon siguri juridike për Zvërnecin

17/11/2026

Argjiroja.net është një media online e pavarur, që informon me profesionalizëm dhe shpejtësi lexuesit. Në vëmendjen tonë të veçantë janë kryesisht ngjarjet në jug të Shqipërisë, por edhe zhvillime të tjera të rëndësishme brenda e jashtë vendit.
Argjiroja.net është pjesë e NaN Studio Sh.P.K me NIPT M02012001P

Për marketing dhe çdo informacion tjetër na shkruani në adresën [email protected]

Të fundit

Gjolek Guci reagon pas humbjes së Memaliajt: Jam përpjekur të bëj më të mirën. I uroj suksese kryetarit të ri dhe i kërkoj të bëjë maksimumin

Abuzimi me tenderat/ Ish-kryebashkiaku i Memaliajt dënohet me burg, i hiqet për 5 vite e drejta për funksione publike

18/11/2026
Taulant Balla: Rama do qeverisë Shqipërinë deri sa ta caktojmë ne

Taulant Balla: Rama do qeverisë Shqipërinë deri sa ta caktojmë ne

18/11/2026
  • Kryesore

© 2023 Argjiroja.net Design by NanStudio.al

Nuk ka rezultate
View All Result
  • Lajme
  • Kryesore
  • Lifestyle
  • Show Bizz
  • Sport
  • Pikante
  • Planet
  • Argjiro +
  • Para dhe Pushtet
  • Portal pune
  • Faqe Interneti

© 2023 Argjiroja.net Design by NanStudio.al