Pas një starti të mbarë në Ligën e Kombeve, Shqipëria përgatitet për një tjetër përballje të rëndësishme. Finlanda është pengesa e radhës për kuqezinjtë, në një ndeshje që mund të ndikojë ndjeshëm në ecurinë e grupit.
Për të analizuar sfidën dhe situatën te Kombëtarja, gazetari, Igli Çutra ishte i ftuar në Sport News në News 24.
Igli, ky është starti i një epoke të re, me Maran në stol, në këto 2 ndeshje, çfarë të ka bërë më shumë përshtypje, çfarë do veçoje?
Filloi epokë e re, trajner i ri. Rivalët ishin më të lehtë në letër, ndaj San Marinos duhet të bënim më shumë. Kur ke një rival si San Marino, duhet të bësh më shumë. Rezultatin nuk e dyshonte njeri. Maran ka ende punë.
Me Maran, jo vetëm Muçi, por kemi edhe Mehmetin shumë prezent, shënoi dhe gol. Kemi Shpendin, plus pjesën tjetër, Manaj, Hoxha, Uzuni, Daku, Seferi etij. Sot i kemi të gjithë protagonistë. Kemi bërë diçka gabim në të kaluarën? A fillon këtu, projekti i ri, e ardhmja e Shqipërisë?
Besoj se ka ardhur momenti. Ky është momenti kur duhet të tregojmë veten.
E kemi kërkuar nga Broja prej vitesh këtë Igli, të bëj liderin, jo vetëm që nuk e bëri, por tani Maran as nuk e ftoi. E kemi luksin ta lëmë jashtë një lojtari si Broja? Apo ka ndryshuar rendi, nuk luhet më me emra, por me formën e lojtarëve?
Broja dhe Muçi ngjasojnë pasi kemi pritur që të bëjmë liderin. Broja, duke patur jo minutazh të plotë, nuk ka spikatur sikundër kemi pritur. Kush mban përgjegjësi që Muçi nuk ka luajtur më parë?. E kthejmë në normalitet aktivizimin e Muçit tani, por askush nuk thotë, ishte faji jonë që nuk e vlerësuam siç duhet asokohe e nuk e aktivizuam. Ku i dihet, ndoshta me Muçin në fushë, apo me ndonjë tjetër, mund të kishim shkuar në botëror. Ndaj mendoj se duhet mbajtur përgjegjësi. Këtu bëhet fjalë për një gabim të rëndë.
Igli, a ishte ky turne, duke parë edhe peshën e rivalëve si San Marino, një shans i shkëlqyer për të punuar për të ardhmen, për të afruar element të rinj, për t’i besuar atyre, jo thjesht për t’i ftuar si numra, apo kaq është potenciali, këto emra janë?
Pate fatin e keq jemi në Ligën C. Jemi kokë grupi, të gjitha parametrat të bëjnë më të mirin. Në të gjithë historinë, je më lart se këto skuadra. Si në çdo ekip, bëhet ndyshimi i brezave. Diçka e tillë nuk vjen me magji.
Çfarë ndeshje pret Igli, mendon se vendoset këtu kreu i Grupit? Sa na shërben fitimi i këtij grupi?
Kjo është ndeshja më e vështirë. Me një barazim ruajmë me dy pikë pas Finlandën. Deri diku, llogaritë na thonë që ne mos të humbasim.
Natyrisht do të ishte dështim nëse nuk dalim të parët në grup. Ne themi çfarë do na rezervojë e ardhmja, po e presim. Më tremb fakti se çfarë do ndodhi nëse dëmtohet Strakosha, apo Hysaj. Duhen alternativa në disa pozicione të caktuara në formacion, në mënyrë që të jemi gati për kualifikueset e “Euro 2028”.
