Me Kompany të shtruar në spital, Bayern Munich triumfon 3-1 në transfertë përballë Freiburg, një fitore jashtëzakonisht e rëndësishme që i rikthen në krye të Bundesligës në kuotën e 17 pikëve, po aq sa B.Dortmund. Siparin e golave e hapi ai që më pak pritej, Umpamecano, me qendërmbrojtësin francez që finalizoi një kundërsulm të shpejtë në minutën e 16-të, i shërbyer nga Olise. Bayern nuk u mjaftua me kaq pasi në fundin e pjesës së parë, në minutën e 42-të, Gnabry dyfishoi shifrat.
Gjigandët gjerman nuk arritën të “vrisnin” ndeshjen dhe në minutën e 82-të, Freiburg rihapi sfidën fal një autogoli të Bischof. Goli bëri më “krah” vendasit të cilët spostuan Bayern në gjysmëfushë, ku u desh edhe një mrekulli e Urbig për të mbajtur në lojë fitoren.
Pas disa tentative të Freiburg, Bayern vulosi përfundimisht fitoren me Olise në minutën e 95-të, ku sulmuesi francez përfitoi nga një gafë e portierit të Freiburg. Ylli francez u shpall edhe si lojtari më i mirë i ndeshjes, i vlerësuar me notën 9,4.
