Boksieri shqiptar Nelson Hysa po përgatitet për ndeshjen e radhës, që do të zhvillohet më 28 nëntor, por në këtë periudhë intensive stërvitore nuk i mungon mbështetja më e rëndësishme për të: familja.
Hysa ka publikuar në rrjetet sociale një fotografi me familjarët e tij, duke shprehur emocionet dhe mirënjohjen për praninë e tyre në këtë fazë përgatitore.
“Shikoni kush erdhi të më mbështesë gjatë përgatitjeve… Bota ime. Forca ime. Gjithçka për mua”, shkruan boksieri krahas fotografisë.
Një mesazh i ndjerë që tregon se përtej përgatitjeve fizike dhe sfidave në ring, familja mbetet motivimi dhe forca më e madhe e kampionit shqiptar.
Tashmë, Hysa po numëron ditët drejt 28 nëntorit, me synimin për të dhënë më të mirën në ring. Nelson Hysa do të përballet me boksierin gjerman Agit Kabayel, më 28 nëntor 2026, në Düsseldorf të Gjermanisë, në një duel për titullin botëror të peshave të rënda në WBC.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
