• Lajme
  • Kryesore
  • Lifestyle
  • Show Bizz
  • Sport
  • Pikante
  • Planet
  • Argjiro +
  • Para dhe Pushtet
  • Portal pune
  • Faqe Interneti
Nuk ka rezultate
View All Result
  • Lajme
  • Kryesore
  • Lifestyle
  • Show Bizz
  • Sport
  • Pikante
  • Planet
  • Argjiro +
  • Para dhe Pushtet
  • Portal pune
  • Faqe Interneti
Nuk ka rezultate
View All Result
Nuk ka rezultate
View All Result

Mes polemikave për pronësinë gjatë nazizmit, Van Gogh thyen rekordin në Sotheby’s, piktura shitet për 190.4 milionë dollarë – Balkanweb.com – News24

20/11/2026
Mes polemikave për pronësinë gjatë nazizmit, Van Gogh thyen rekordin në Sotheby’s, piktura shitet për 190.4 milionë dollarë – Balkanweb.com – News24

Një nga veprat më të rëndësishme të piktorit holandez Vincent van Gogh është shitur për 190.4 milionë dollarë (144.9 milionë paund) në një ankand të organizuar nga shtëpia e ankandeve Sotheby’s në Nju Jork, të mërkurën, më 18 nëntor, duke vendosur një rekord të ri për artistin.

Megjithatë, përtej vlerës së jashtëzakonshme artistike dhe financiare, shitja e pikturës u shoqërua me një çështje të ndjeshme historike dhe ligjore, që lidhet me pronësinë e saj gjatë periudhës së regjimit nazist në Gjermani.

Piktura, e titulluar “Pemët e gështenjës në lulëzim” (Chataigniers en fleurs), u realizua në maj të vitit 1890 në Auvers-sur-Oise të Francës, ku Van Gogh kaloi muajt e fundit të jetës. Ajo paraqet pemë në lulëzim, tri gra të veshura me fustane shumëngjyrëshe dhe një burrë me kapelë kashte.

Vepra u krijua pak kohë pasi artisti u largua nga spitali psikiatrik ku ishte trajtuar. Dy muaj më vonë, Van Gogh i dha fund jetës.

Me këtë shitje, piktura u bë vepra më e shtrenjtë e Van Gogh-ut e shitur ndonjëherë në një ankand publik. Sipas The New York Times, blerësi ishte William Acquavella, tregtar i njohur arti dhe drejtues i galerive Acquavella.

Rekordi i mëparshëm për një vepër të artistit mbahej nga piktura “Kopshti me selvi”, e vitit 1888, e cila u shit për 117.2 milionë dollarë në një ankand të Christie’s në Nju Jork, në nëntor të vitit 2022.

Ndërkohë, sipas raportimeve të The New York Times, një tjetër vepër e Van Gogh-ut, “Le Zouave”, e vitit 1888, ishte shitur në një transaksion privat përmes Christie’s, më pak se një vit më parë, për rreth 190 milionë dollarë.

Mosmarrëveshja për pronësinë dhe lidhja me periudhën naziste
Historia e pikturës lidhet edhe me persekutimin e familjeve hebraike gjatë regjimit nazist.

Në vitin 1909, veprën e bleu në Paris botuesi gjerman Samuel Fischer. Në vitin 1936, familja e tij u detyrua ta shiste pikturën, në një kohë kur regjimi nazist kishte vendosur kufizime të rënda ekonomike dhe masa persekutimi ndaj popullsisë hebraike.

Trashëgimtarët e familjes Fischer kundërshtuan shitjen, duke argumentuar se ajo nuk ishte rezultat i një vendimi të lirë tregtar, por ishte diktuar nga vështirësitë financiare dhe presioni që familja kishte përjetuar nën regjimin nazist. Në vitin 1975, piktura u ble nga familja Blaquier-Arrieta, e cila e mbajti atë në pronësi për më shumë se pesë dekada.

Një ditë para ankandit, Sotheby’s njoftoi se familja Blaquier-Arrieta dhe të gjithë pasardhësit ligjorë të Hedwig dhe Samuel Fischer kishin arritur një marrëveshje lidhur me shitjen e veprës. Në një deklaratë për The New York Times, pas përfundimit të ankandit, Gunnar Schnabel u shpreh se familja shpresonte që vëmendja e madhe publike ndaj këtij rasti dhe zgjidhja e tij të shërbenin si një nxitje për familjet e tjera që pësuan persekutim gjatë periudhës naziste.

Ai theksoi gjithashtu se atmosfera në sallën e ankandit nuk kishte qenë festive, duke nënvizuar se rasti mbartte një ngarkesë të veçantë historike dhe emocionale.

Edhe trashëgimtarët e familjes Fischer shprehën mirënjohjen e tyre për mirëbesimin, negociatat e drejta dhe bashkëpunimin me familjen Blaquier-Arrieta dhe përfaqësuesit e saj.

Sipas tyre, marrëveshja përbën një mundësi për të njohur vuajtjet që familja Fischer përjetoi gjatë regjimit nazist, duke nderuar njëkohësisht kujtimin e Gisela Berman Fischer dhe përpjekjet e saj shumëvjeçare për të siguruar drejtësi për familjen.


© BalkanWeb


Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb

Related Posts

Zbulohet misteri 1700-vjeçar në Angli, kush vrau 8 mijë bretkosa? Shkencëtarët identifikojnë “fajtorët” – Balkanweb.com – News24
Lifestyle

Zbulohet misteri 1700-vjeçar në Angli, kush vrau 8 mijë bretkosa? Shkencëtarët identifikojnë “fajtorët” – Balkanweb.com – News24

19/11/2026
Pse gratë ftohen më shpejt – dhe çfarë lidhje ka testosteroni me të
Lifestyle

Pse gratë ftohen më shpejt – dhe çfarë lidhje ka testosteroni me të

16/11/2026
ADN-ja e Hitlerit zbulon sekrete të panjohura të diktatorit, nga anomalitë gjenetike te predispozita për sëmundje mendore – Balkanweb.com – News24
Lifestyle

ADN-ja e Hitlerit zbulon sekrete të panjohura të diktatorit, nga anomalitë gjenetike te predispozita për sëmundje mendore – Balkanweb.com – News24

14/11/2026
Nga çamçakëzët te çaji dhe faturat e dyqaneve/ Plastika e fshehur në produktet që përdorim çdo ditë – Balkanweb.com – News24
Lifestyle

Nga çamçakëzët te çaji dhe faturat e dyqaneve/ Plastika e fshehur në produktet që përdorim çdo ditë – Balkanweb.com – News24

14/11/2026
Truku japonez me letër alumini pas radiatorëve, si të ngrohni shtëpinë dhe të kurseni në faturat e energjisë – Balkanweb.com – News24
Lifestyle

Truku japonez me letër alumini pas radiatorëve, si të ngrohni shtëpinë dhe të kurseni në faturat e energjisë – Balkanweb.com – News24

13/11/2026
Zbulim i rrallë në Afrikën e Jugut, fosilet 300 mijëvjeçare zbulojnë një mister. A ishte kjo shpellë vendvarrimi vetëm për gratë? – Balkanweb.com – News24
Lifestyle

Zbulim i rrallë në Afrikën e Jugut, fosilet 300 mijëvjeçare zbulojnë një mister. A ishte kjo shpellë vendvarrimi vetëm për gratë? – Balkanweb.com – News24

12/11/2026

Argjiroja.net është një media online e pavarur, që informon me profesionalizëm dhe shpejtësi lexuesit. Në vëmendjen tonë të veçantë janë kryesisht ngjarjet në jug të Shqipërisë, por edhe zhvillime të tjera të rëndësishme brenda e jashtë vendit.
Argjiroja.net është pjesë e NaN Studio Sh.P.K me NIPT M02012001P

Për marketing dhe çdo informacion tjetër na shkruani në adresën [email protected]

Të fundit

Mes polemikave për pronësinë gjatë nazizmit, Van Gogh thyen rekordin në Sotheby’s, piktura shitet për 190.4 milionë dollarë – Balkanweb.com – News24

Mes polemikave për pronësinë gjatë nazizmit, Van Gogh thyen rekordin në Sotheby’s, piktura shitet për 190.4 milionë dollarë – Balkanweb.com – News24

20/11/2026

Leo Messi, lojtari më i paguar në MLS, e ndjek Lewandowski

20/11/2026
  • Kryesore

© 2023 Argjiroja.net Design by NanStudio.al

Nuk ka rezultate
View All Result
  • Lajme
  • Kryesore
  • Lifestyle
  • Show Bizz
  • Sport
  • Pikante
  • Planet
  • Argjiro +
  • Para dhe Pushtet
  • Portal pune
  • Faqe Interneti

© 2023 Argjiroja.net Design by NanStudio.al