Vasil Shkurtaj është shpallur si lojtari më i mirë i ndeshjes mes Flamurtarit dhe Luftëtarit, duke shënuar golin vendimtar të takimit. Në një prononcim për “SuperSport”, Shkurtaj shprehet se ndihet mirë te ekipi i Luftëtarit dhe pret që në fund të sezonit, ekipi i tij të renditet në vendin e tretë ose të katërt.
“Me lojtarë si Bregu, Abazaj e Rroca po e ndihmojnë shumë ekipin dhe me këto ndeshje po ndihem mirë pasi po shënoj me gola e po jap asiste. Kemi mundësi për Europën pasi kemi cilësi të mira. Kampionatin shqiptar nuk e kam ndjekur më parë por ka shumë kualtitet dhe lojtarë të mirë. Ne jemi shokë me të gjithë ekipin dhe nuk ndjej se kanë xhelozi ndaj meje.
Sot ishim pak të lodhur por po japim të pamundurën dhe morëm 3 pikët që kishim nevojë. Luftëtarin e shoh në 3-4 vendet e para deri në fundin e sezonit. Më pëlqen shumë sulmuesi Soue pasi e mban topin mirë dhe është i mirë taktikisht. Do na mungojnë Abazaj dhe Bregu por çdo ekip mund të sjellë një lojtar tjetër që do të ndihmojë. Kemi njerëz në ekip që do të na ndihmojnë të afrojmë lojtarë të duhur për ekipin”- u shpreh Vasil Shkurtaj.
