Luftëtari ka arritur të fitojë ndaj Kamzës me rezultatin 1-0, në takimin e vlefshëm për javën e 23 të Superiores. Një tjetër paraqitje e mirë në këtë ndeshje, ka ardhur edhe nga Eduart Rroca. Në një intervistë për “Supersport”, Rroca është shprehur se Luftëtari nuk ka asnjë konkurrencë në kampionat, sa i përket aspektit sulmues.
“Nuk më bezdisin vlerësimet e shumta kundrejt Abazajt dhe Bregut, pasi kam kënaqësi të luaj përkrah tyre. Por te Luftëtari duhet theksuar forca e grupit dhe shpresojmë se kështu mund të arrijmë Europën.
Duke marrë parasysh mungesën e Shkurtaj, pjesën e parë rolin e morri Lamçja, ndërsa në të dytën e provova unë. Kur trajneri na thërret në detyrë ne jemi gjithmonë gati. Në karakerin tim është altruizmi, pasi kërkoj më shumë të jap një asist sesa të shënojë. Sa i përket pjesës së sulmit, më mirë është Luftëtari, 3 vënde bosh, më pas vijnë të gjitha ekipet e tjera”, është shprehur Eduard Rroca.
