Trajneri i Kukësit, Peter Pakult, ka pranuar se ekipi nuk i është përgjigjur në pjesën e dytë kërkesave të tij, në “Gol pas Goli” ai nuk ngurroi ta cilësonte lojën e Kukësit përballë Luftëtarit si ‘të pakuptueshme’, duke theksuar se ekipi kishte dalë plotësisht nga detyrat. Për rënien e dukshme në pjesën e dytë
“Është e vërtetë që në pjesën e dytë ne 20 minutat e para ishte një ekip tjetër. Është fakt që në pjesën e parë, që barazuam, ekipi ishte ‘ok’, ekipi dhe ndeshja. Por ajo që ndodhi në pjesën e dytë, për mua është aktualisht e pakuptueshme”.
Për hapësirat që lë ekipi
“Pjesën e parë ishim më tepër të vendosur në fushë, në pjesën e dytë i dhamë shumë hapësira Luftëtarit dhe më shumë mundësi shënimi. E përsëris që është e pakuptueshme ajo që ndodhi në pjesën e dytë. Gabimet e shumta që bëmë në pjesën e dytë, sidomos pasimet, u dhamë krahë kundërshtarëve dhe ai ishte problemi kryesor i asaj që ndodhi”.
Për luhatjet e ekipit
“Jam i mendimit që ka shumë ekipe në futboll që nuk e mbajnë ritmin në 90 minuta. Çdo javë shohim kampionate të ndryshme është e rrallë që një ekip të mbajë të njëjtin ritëm gjatë gjithë kohës”.
Për vështirësitë që shfaqi skuadra sot në krahasim me ndeshjet e mëparshme
“Jam i mendimit që ato 35-40 minuta e para e lejuam kundërshtarin të luante nga mbrapa, i pritëm. Nuk kishte raste në pjesën e parë Luftëtari, se deri te goli i bllokuam, në pjesën e dytë ekipi nuk bëri atë që kërkoja unë, u ndëshkua në pjesën e dytë. Unë jam trajner, nuk jam asnjëherë i kënaqur sidomos pas një rezultati të tillë. Nuk bëmë atë që duhet dhe për këtë na ndëshkoi kundërshtari”.
