Këshilli Bashkiak i Gjirokastrës do të mblidhet sërish ditën e shtunë, për të vijuar me mbledhjen e cila u pezullua në fillim të kësaj jave për shkak të mungesës së këshilltarëve të PS-së, por edhe me mungesa nga radhët e PD. Cështjet në rendin e ditës janë po njësoj, ku ndër të tjera spikat shkarkimi i sekretarit të Këshillit Bashkiak, Semi Golemi, i zgjedhur në atë funksion para tre vitesh si propozim i PS-së. Përmes një njoftimi Bashkia Gjirokastër thotë se mbledhja është caktuar në orënn 12:00. Mbetet për t’u parë nëse do të zhvillohet kjo mbledhje apo do të dështojë sërish për mungesë të kuorumit. PD dhe LSI janë në një koalicion të përbashkët në Bashkinë Gjirokastër. Ato kanë shumicën në Këshillin Bashkiak me 16 këshilltarë. Pas marrjes së administratorit të Lazaratit, pritet që edhe sekretari i përgjithshëm i Këshillit Bashkiak të jetë nga radhët e PD-së.
©ArgjiroLajm.net
