Aktori i mirënjohur, Timo Flloko promovoi në shtëpinë e Kadaresë në Gjirokastër librin e tij “Kërcim në bosht”. “Ndihem shumë i dëshiruar për të prekur këtë peizazh, i lumtur që takoj miq, shokë, kujtimet që kam ketu, është një ardhje në qytet magjik siç është Gjirokastra”, tha ndër të tjera Flloko. Në ceremoninë e organizuar me këtë rast merrnin pjesë aktorë të teatrit ‘Zihni Sako’, mësues e nxënës shkollash. Timo Flloko është edhe aktori që ka interpretuar Cerciz Topullin në filmin ‘Liri a Vdekje’. I pyetur nga gazetarët për cështjen e Teatrit Kombëtar, Flloko tha se duhet të ruhen vlerat arkitektonike të godinës së vjetër.
