Deputetët e PD që hodhën miell mbi kryeministrin Edi Rama, Flamur Noka, Ervin Salianji dhe Klevis Balliu u përjashtuan nga seanca parlamentare me vendim të kryetarit Gramoz Ruçi, pasi ata hodhën pluhur të bardhë mbi kryeministrin dhe ministrat. Opozita po proteston me forcë në Kuvend, kryetari i saj Lulzim Basha ka bllokuar foltoren dhe kërkon përjashtimin e Ramës nga seanca për fjalorin vulgar ndaj shqiptarëve. Tensionet janë bërë më të forta pas përjashtimit të dy deputetëve; deputetët e opozitës kanë hedhur objekte të ndryshme në drejtim të Ramës, ndërohë që rojet e sigurisë me dosje janë munduar t’i shmangin. Para se të hidhte pluhurin mbi kryeministrin, Noka i vendosi atij mbi tryezë një pankartë: Lironi kuksianët!
