ArgjiroLajm.net nis prej sot sondazhet lidhur me punën e kryebashkiakëve të qarkut Gjirokastër. Lexuesit e portalit tonë do të ftohen të japin mendimin e tyre, se si e vlerësojnë punën e kryebashkiakëve të qarkut tonë. Në një fazë të parë sondazhet do të kryhen për tre bashkitë më të mëdha të qarkut; Gjirokastrën, Tepelenën dhe Përmetin.
Në një fazë të dytë do të vijohet me katër bashkitë e tjera; Memaliaj, Libohovë, Dropull dhe Këlcyrë. Sondazhi i parë që ne kemi publikuar sot dhe do të jetë i hapur për dy javë është për Bashkinë Tepelenë. Pra, ky sondazh do të qëndrojë online deri më datë 10 maj 2018.
Ky sondazh nuk është i rastësishem, por vjen në një kohë kur kryebashkiakët e zgjedhur në zgjedhjet e vitit 2015, kanë konsumuar tashmë rreth 3 vjet nga mandati i tyre. Sondazhin do ta gjeni në homepage të portalit, si dhe në fund të cdo artikulli që do të lexoni.
KUJDES: Ju mund të votoni vetëm njëherë nga një IP e vetme, pasi sistemi nuk lejon disa vota nga e njëjta adresë apo manipulime të ndryshme, me qëllim që të nxiret një rezultat i caktuar.
©ArgjiroLajm.net
