Një ngjarje e rëndë ndodhi mbrëmjen e sotme në fshatin Çepunë të Gjirokastrës. 59-vjeçari Godo Mustafaraj, i dha fund jetës duke u vetëvrarë me armën e gjahut në hyrje të fshatit. Policia tha se nga këqyrja paraprake e trupit të viktimës, nuk janë konstatuar shenja dhune apo dëmtime të shkaktuara nga ndonjë faktor tjetër. Burime të ArgjiroLajm.net thonë se 59-vjeçari babai i tre fëmijëve, ndodhej në gjendje të rënduar psikologjike, për shkak edhe të gjendjes së vështirë ekonomike. Ndërkohë që prej katër ditësh atij i ishte ndërprerë edhe energjia elektrike në banesë pasi kishte fatura të papaguara për rreth 4 vjet. Godo Mustafaraj për disa vite ka mbajtur edhe pozicionin e kryetarit të Organizatës Socialiste të fshatit Çepunë. Motivet që e shtynë drejt vetëflijimit nuk dihen me saktësi. Grupi hetimor po punon për zbardhjen e plotë të rrethanave të ngjarjes.
©ArgjiroLajm.net
