Rama paralajmëroi ‘shkundje’ të qeverisë në muajin shtator, pas analizës që do të bëhet për çdo ministër dhe që rezulton se nuk ka arritur objektivat. “Nuk ka zgjedhje të parakohshme në qershor. Do shkarkojmë ministrat”
Kryeministri Edi Rama ka mohuar se është duke u përgatitur për zgjedhje të parakohshme në muajin qershor. politikanë dhe analistë të shumtë kanë deklaruar se në rast të mos hapjes së negociatave në muajin qershor, Shqipëria mund të hyjë në zgjedhje të parakohshme, por sipas Ramës, sondazhet tregojnë një diferencë të thellë në favor të socialistëve. Gjithsesi, Rama paralajmëroi ‘shkundje’ të qeverisë në muajin shtator, pas analizës që do të bëhet për çdo ministër dhe që rezulton se nuk ka arritur objektivat.
“Nuk do të ketë zgjedhje në fund të qershorit. Duhet të hapim çdo mëndje për të dëgjuar dhe çdo zemër që është mbyllur. Nëse ne shohim sot sondazhet, ne nuk kemi nevojë të bëjmë asgjë, mjafton të jemi gjallë dhe fitojmë zgjedhjet. Mirëpo ky nuk është qëllimi ynë sepse ne kemi marrë përsipër të ndryshojmë Shqipërinë. Në shtator do të bëjmë analizën se cilët ministra duhet të ndryshojmë. Cilët ministra dhe drejtorë nuk kanë bërë siç duhet detyrën”, tha Rama.
Rama paralajmëroi edhe kryebashkiakët socialistë se do i nënshtrohen një ‘votëbesimi’ nga qytetarët përpara se të konfirmohen si kandidatë për zgjedhjet e 2019-ës.
