Në mungesë të një ure lidhëse mbi lumin Vjosë, banorët e fshatit Kallëmb në Memaliaj janë të detyruar të kalojnë përmes një teleferiku, duke rrezikuar në këtë mënyrë jetën. Në fakt nuk është një teleferik i mirëfilltë, por një kafaz metalik i varur në një kavo. Për t’u lidhur me qytetin, ata s’kanë mënyrë tjetër. Frekuentuesit më të shpeshtë të këtij teleferiku janë fëmijët, të cilët shkojnë përditë në shkollë. Ndonëse kanë kërkuar shpesh ndërtimin e një ure, deri më tani nuk është bërë asgjë për shqetësimin e tyre. Ky kafaz metalik dhe lundra, janë dy format e vetme që ata të kalojnë Vjosën.
©ArgjiroLajm.net
