Mesditën e sotme është dhunuar në zyrë nënkryetari i Bashkisë Gjirokastër, Aurel Lapa. Ai është qëlluar me grushta nga topografi i Prefekturës, Shefqet Alikaj. Nga të dhënat paraprake mësohet se sherri ka ndodhur për shkak të përplasjeve në kompetenca mes Bashkisë dhe Prefekturës, sa i përket administritmit të disa kullotave. Për ngjarjen e rëndë deri më tani ka reaguar vetëm kryebashkiakja Zamira Rami. Ajo dënoi sulmin ndaj institucionit të saj, si dhe kërkoi nga prokuroria të vërë para përgjegjësisë autorin, Shefqet Alikaj. Pavarësisht se si qëndron çështja e kompetencave në aspektin ligjor, prefekti Astrit Aliaj ka detyrimin moral së paku të distancohet nga ngjarja dhe të dënojë dhunën që vartësi i tij ka ushtruar ndaj vartësit të Zamira Ramit. Mbetet të shohim se çfarë qëndrimi do të mbajë ai në orët në vijim.
©ArgjiroLajm.net
