Në mbledhjen e Asamblesë Kombëtare, Edi Rama urdhëroi strukturat e PS-së të nisin punën njësoj sikur zgjedhjet do të mbahen në muajin qershor. Pra, kërkoi të punohet ngjashëm siç punohet në periudhë fushate. Në Gjirokastër nuk është humbur më kohë. Këtë fundjave janë zhvilluar takimet me strukturat për ndarjen e punëve dhe nisjen e asaj që socialistët e quajnë ‘dialogu në kuadër të turit të llogaridhënies publike në çdo nivel. Qeveri-Këshilltarë-Drejtorë”. Varianti i mbajtjes së zgjedhjeve të parakohshme ka kohë që përmendet në korridoret e politikës dhe medias. Në rast të dështimit të hapjes së negociatave me BE-në në muajin qershor, thuhet se Rama do ta cojë vendin në zgjedhje të parakohshme në muajin shtator. Mbetet të shohim!
©ArgjiroLajm.net
