Nga Flamur Golemi
Për vizitën e kryeministrit Edi Rama në Gjirokastër
Rikthimi i Kryeministrit rikonfirmoi edhe njëherë mbështetjen e madhe të qeverisë me investime të tjera në Gjirokastër. ‘Qershia’ mbi tortë është padyshim Rruga Kardhiq-Delvinë, tenderi i së cilës tashmë është hapur. Nuk ngelen pas as projekte të tjera si rikonstruksioni i shkollës ‘Asim Zeneli’ e ‘Thoma Papapano’, faza e dytë e investimit në ujësjellësin e Gjirokastrës e shumë projekte të tjera në të gjithë qarkun, të cilat u njoftuan këto dy ditë. Po kështu u jepet zgjidhje banorëve të pallatit te ‘Kodra e Shtufit’.
Gjatë këtyre viteve të fundit në qeverisjen ‘Rama’, Gjirokastra ka përfituar investime si kurrë më parë dhe do të vazhdojë të përfitojë. Natyrisht që kemi ende shumë për të të bërë, kemi ende nevoja të mëdha për të plotësuar. Por askush më mirë sesa ne, nuk mund t’i ofrojë Gjirokastrës një model tjetër qeverisje. Alternativa që kemi përballë, janë ai takëm njerëzish që vjen tek ju vetëm atëhere kur janë zgjedhjet. Ne jemi ndryshe dhe këtë po e dëshmojmë çdo ditë me punë, jo me fjalë që i merr era.
Ju ftoj të shfrytëzoni platformën #Shqipëriaqëduam.al për të denoncuar çdo padrejtësi apo mugesë shërbimi në zyrat e administratës publike. Unë besoj fort se e pamundura bëhet e mundur në çdo rast që ne jemi bashkë në këtë rrugëtim të vështirë për ta bërë Gjirokastrën një vend më të mirë për të gjithë.
