Arrestohet i dënuari me 3 vjet burg nga Apeli i Gjirokastrës

Një 60-vjeçar nga Berati është ndaluar prej policisë, pasi Gjykata e Apelit Gjirokastër e ka dënuar me 3 vjet dhe 4 muaj burg për veprën penale, “Ndihmë për kalim të paligjshëm të kufirit”. I arrestuari është shtetasi K.G 60 vjeç,  banues në fshatin Bardhaj, Berat. Ky shtetas është shpallur në kërkim pasi në datë 23.05.2016 në Pikën e Kalimit Kufitar Kakavijë në bashkëpunim me djalin e tij shtetasin H.G dhe shtetasin M.SH (të dy të arrestuar), ndihmuan 4 persona të kalonin në mënyrë të paligjshme kufirin, kundrejt shumës prej 400 Euro secili. Pasi u evidentuan nga Policia Kufitare shtetasi K.G arriti ti shmangej arrestimit, por ai u kap më vonë nga policia greke dhe u ekstradua në vendin tonë. Materialet proceduriale i kaluan Prokurorisë pranë Gjykatës së Shkallës së Parë Gjirokastër për veprime të mëtejshme.