Gjatë javës që shkoi në të gjithë vendin janë punësuar 799 persona përmes Zyrave të Punës. Shifrat bëhen publike nga Shërbimi Kombëtar i Punësimit. Në qarkun Gjirokastër janë punësuar 14 persona, prej të cilëve 3 janë në Bashkinë Gjirokastër, 6 në Tepelenë dhe 5 në Përmet. Së fundi në Gjirokastër u organizua Panairi Rajonal i Punësimit, ku mori pjesë edhe kryeministri Edi Rama. Por atmosfera ishte e vakët. Numri i të interesuarve ishte i ulët, ndërsa përfaqësuesit e biznesit folën me gjuhën e Ramës, duke thënë se ka punë, por mungojnë profesionistët. Rama ka kushtëzuar drejtorët e zyrave të punës se nëse nuk përmbushin objektivat, do të shkarkohen nga detyra.
© ArgjiroLajm.net
