Deputeti i PD-së në Gjirokastër ka denoncuar sot faktin se sipas tij nxënësit e shkollave të Tepelenës janë hequr nga mësimi për të ndjekur një simpozium shkencor për Ali Pashën.
“Termeti dhe deputet e PS aktualisht po perdorin femijet per te mbushur sallen e nje simpoziumi shkencor per Ali Pashen. Pa dyshim i kane hequr nga mesimet ne shkollen e tyre. Nje skandal i ri ky, ne kundershtim me ligjin, rregullat e te drejtat e njeriut! Kur nuk ju vjen kush tu degjoje, mos u bini ne qafe femijeve!”, shkruan Shehu në Facebook teksa publikon edhe foto të disa nxënësve të pranishëm në sallë.
Megjithatë nëse nxënësit janë hequr nga mësimi për të marrë pjesë në një simpozium shkencor për figurën emblematike të Ali Pashës, ky nuk është ndonjë mëkat i madh. Aq më tepër kur kujton kohën e qeverisjes së PD-së, kur nxënës e mësues dilnin me urdhër për të mbushur sheshet dhe sallat e takimeve partiake.
© ArgjiroLajm.net
