Partia Demokratike në Gjirokastër ka mbledhur sot strukturat e saj drejtuese, për koordinimin e punës për fillimin e procesit të zgjedhjeve në nivel seksioni dhe grupseksioni me parimin një anëtar një votë. I pranishëm në takim është edhe deputeti Tritan Shehu, si dhe ish-ministri Spiro Ksera i dënuar me burg për korrupsion.
“Ftohen të gjithë anëtarët e PD në Qarkun Gjirokastër të bëhen pjesë e këtij procesi të hapur e transparent për tu zgjedhur e për të zgjedhur me votë në nivelet drejtuese”, shprehet kryetari Roland Bejko.
Mbledhja e strukturave të PD-së në Gjirokastër vjen pak ditë pasi kjo forcë humbi drejtimin e Këshillit Bashkiak. Me shumicë votash PS dhe dy këshilltare të LSI-së shkarkuan Mimoza Çomon, për ta zëvendësua me Vjollca Kokon.
© ArgjiroLajm.net
