Policia shqiptare ka ndaluar 5 refugjatë vetëm gjatë 24 orëve të fundit në pikat kufitare të vendit. Në Tiranë është ndaluar shtetasi me inicialet B.G 44 vjeç, banues në Irak, i cili ka hyrë ilegalisht nhga kufiri pranë Kakavijës.
Pas ndalimit ai është dërguar në qendrën e refugjatëve dhe azilkërkuesve në Babrru.
Po ashtu nga policia e Tiranës janë ndaluar tre shtetas të moshave 18, 26 dhe 20 vjeç nga Siria që gjithashtu kanë hyrë ilegalisht në Shqipëri nga kufiri në afërsi të Kakavijës.
Edhe këta persona janë dërguar në qendrën e strehimit në periferi të Tiranës. Ndërkohë shërbimet e përbashkëta të kufirit shqiptaro-malazez në Muriqan kanën shtetasin me iniciale Y.D 28 vjeç nga Siria i cili kërkoi azil dhe u dërgua në qendrën pritëse në Babrru.
