Pjesëmarrja në Europa League dhe largimi i disa lojtarëve të rëndësishëm, i ka bërë drejtuesit e Luftëtarit të jenë shumë aktivë në këtë periudhë për të kompletuar grupin e futbollistëve, që tashmë ka në krye trajnerin slloven Millosh Kostiç. Dje në Gjirokastër mbërriti mesfushori nga Venezuela, Rikardo Travaljo, ndërkohë që gjirokastritët kanë gjetur edhe portierin e tij. Hërvoje Bukovski, një portieri i lindur në Zvicër, por me origjinë kroate, pritet t’i bashkohet shumë shpejt Luftëtarit, për të zëvendësuar grekun Kristos Athanasopulos.
Bëhet fjalë për një portier 26-vjeçar, 1.9 m të gjatë dhe që së fundi është aktivizuar në ligat e ulëta në Gjermani, me skuadrën e VFB Oldenburg. Nuk është se ka pasure ndonjë karrierë brilante, por mendohet se Luftëtarit do t’i bëjë punë. Në Gjirokastër priten të tjera afrime të rëndësishme, veçanërisht për mbrojtjen dhe sulmin, ku ka më shumë boshllëqe për momentin.
