Ekipi gjirokastrit po përgatitet për turin e parë të Europa League, ku do të ndeshet me letonezët e Ventspils. Klubi ka bërë disa lëvizje në merkaton e verës, por ka edhe një çështje të pazgjidhur me ish-trajnerin Hasan Lika.
Gjirokastritët, sipas “Panorama Sport”, i detyrohen trajnerit kryeqytetas për pagat e tetë muajve, sipas kontratës që ai ka firmosur. Janë paga të muajve të pashlyer nga klubi për sezonin e fundit, por edhe për arritjen e objektivit të Kupave të Europës.
Trajneri Lika kërkon që të shlyhet sa më shpejt për atë që i takon dhe ka pasur bisedime mes palëve për likuidimin financiar të atij që e udhëhoqi Luftëtarin drejt suksesit sezonin që shkoi. Tani mbetet për t’u parë si do të rrjedhin ngjarjet, nëse do të mbyllet me marrëveshje gjithçka, apo do të ketë sërish një gjyq, siç ndodhi më parë me ish-trajnerin tjetër, Milinkoviç.
