Zëvendësministri i Punëve të Brendshme në Kosovë, Izmi Zeka, gjatë vizitës zyrtare në Shqipëri ka zhvilluar një takim edhe me drejtues të Policisë së Gjirokastrës si dhe ka vizituar qendrën e pritjes së emigrantëve.
Në këtë takim u diskutua për mënyrën e intensifikimit të bashkëpunimit në menaxhimin e flukseve të emigrantëve, shkëmbimin e informatave si dhe rëndësinë e hetimeve të përbashkëta në luftimin e grupeve kriminale të cilët kontrabandojnë emigrantë.
Gjithashtu zëvendësministri Zeka falënderoj IOM i cili ka përkrahur vizitat si dhe konstatoi se ka bërë një punë të shkëlqyeshme në ofrimin e përkrahjes dhe bashkëpunimit me Ministrinë e Punëve të Brendshme, së bashku me shtetet e rajonit në sferën e menaxhimit të migracionit dhe menaxhimin e migrimit të parregullt.
