Mlladen Milinkoviç, i njohur në vendin tonë për faktin se ka drejtuar një sezon Luftëtarin dhe më pas Kukësin, ka nisur një aventurë të re në Azerbajxhan. Trajneri serb ka nënshkruar me ekipin Keshla të Superiores azere.
Për Milinkoviç ka pasur interes edhe nga Partizani kohë më parë, por tashmë trajneri nis një aventurë të re. Në Azerbajxhan kanë shkuar së fundi edhe dy ish-lojtarë të Skënderbeut, Lilaj dhe Xhejms. Keshla, ekipi i ri i trajnerit Milinkoviç, nuk bën pjesë në skuadrat pretendente në kampionatin azer.
