Luftëtari do të presë të shtunën Kastriotin në kuadër të javës së parë të Kategorisë Superiore. Bluzinjtë vijnë në këtë takim, me moralin e ulët pas atij eliminimi të turpshëm në Ligën e Europës.
Takimi i parë, pritet të jetë i vështirë për gjirokastritët ku përballë do të jenë debutuesit e këtij sezoni, Kastrioti, që ka bërë një merkato dhe një fazë përgatitore të mirë nën drejtimin e trajnerit Elvis Plori.
Vështirësia rritet më shumë për të besuarit e Milosh Kostiç që duhet të bëjnë edhe pa fantazistin Eduart Rroca i cili shpesh herë ka qenë protagonist në sezonin e fundit ku së bashku me Bregun e Abazajn arritën të bënin historinë duke u kualifikuar në Europë. Me shumë gjasa, Rroca do të rikthehet javën e dytë, ku Luftëtari udhëton drejt Laçit.
