Ka pasur një rritje të numrit të lejeve të ndërtimit në tremujorin e dytë të këtij vitit, me 37.1%. Ku ndër vendet me më shumë leje renditet kryeqyteti, me rreth 40 leje më shumë se një vit më parë. Sipas INSTAT, në tremujorin e dytë 2018 janë miratuar gjithsej 270 leje ndërtimi për ndërtesa të reja, nga 197 leje të miratuara në tremujorin e dytë të vitit 2017.
Bazuar tek të dhënat e Institutit, Kukësi rezulton me vetëm një leje, Dibra me vetëm 6 leje, ndërkohë që Gjirokastra ka 7 leje. Për qytetet e tjera mund të shihni listën e plotë më poshtë. Gjysma e lejeve të dhëna janë për ndërtim banesash, ndërsa më pas renditen ndërtesat industriale dhe tregtare. Numri i lejeve sipas qyteteve: Tirana 99 leje; Durrësi 38 leje; Fieri 32 leje; Korça 26 leje; Gjirokastra 7 leje; Dibra 6 leje dhe Kukësi 1 leje.
© ArgjiroLajm.net
