Bashkia Gjirokastër nuk ka investuar në shkollën 9-vjeçare ‘Koto Hoxhi’ teksa pritet që të nisë viti i ri shkollor. Këtë e thotë drejtori i kësaj shkolle, Vezir Mamo. Gjatë një interviste për Tv Gjirokastra, Mamo është shprehur se bashkia ka ndërhyrë vetëm për tualetet, por nuk është bërë asnjë lyerje e ambienteve, prandaj kjo do të bëhet nga vetë shkolla.
‘Deri sot në shkollë është bërë një ndërhyrje e pjesshme nga ana e bashkisë, por në këtë institucion nuk bëhet fjalë fare për lyerje”, tha Mamo.
Pritet që të grumbullohen fonde edhe nga vetë nxënësit në mënyrë që të lyhen ambientet e shkollës, në të cilën mësojnë mbi 900 nxënës.
©ArgjiroLajm.net
