Pas denoncimit fillimisht në media dhe më pas zbulimit nga AKU të një magazine me 18 tonë makarona të skaduara në Gjirokastër, konstatohet një tjetër rast abuziv me prodhimin dhe tregtimin e ushqimeve. Seksioni kundër krimit ekonomik e financiar në Policinë e Gjirokastrës, bashkë me Autoritetin Kombëtar të Ushqimit kanë bllokuar një pikë të paligjshme të prodhimit dhe tregtimit të pulave në fshatin Andon Poçi.
Për këtë rast, është kallëzuar në Prokurori shtetasi Z.G, 59 vjeç, banues në Andon Poçi. Ndaj tij rëndojnë dy akuza, “Prodhimi i kundërligjshëm i artikujve dhe mallrave industrialë dhe ushqimorë”, si dhe “Fshehja e të ardhurave”. Dyshohet se pulat ishin të skaduara. Në njoftimin për media të policisë nuk bëhet me dije sasia e bllokuar e pulave. Cështja është nën hetim nga organi i akuzës.
© ArgjiroLajm.net
