Sot në orën 10:00 janë mbyllur transmetimet analoge në qarkun Tiranë dhe Durrës për t’i lënë vendin transmetimeve dixhitale. Procesi do të vijojë edhe në qarqet e tjera, për të prekur të gjithë territorin. Kalimi nga transmetimet analoge në transmetimet dixhitale ka qenë njëri ndër kushtet për të qenë pjesë e anëtarësisë së Europës dhe i imponuar nga BE-ja. I gjithë procesi sigurisht është zhvilluar nën nxitjen e Bashkimit Europian, qeverisë shqiptare si dhe organeve e agjencive shtetërore.
Në 10 vitet e fundit, vendet europiane kanë kaluar nga transmetimi analog në atë numerik, duke pasur përfitime ekonomike dhe sociale. Kjo mundëson çlirimin e spektrit të frekuencave dhe përdorimin e tyre në mënyrë sa më racionale. Por për kreun e PD Gjirokastër, Roland Bejko, fajin edhe në këtë rast e ka Edi Rama. Përmes një shënimi në Facebook, ai shpërthen kundër kryeministrit dhe thotë se qeveria ka dalë kundër popullit të vet, duke favorizuar oligarkët që shesin dekodera. Ja reagimi i plotë i Bejkos.
Sot ekranet e Tv në erësirë totale. Xëx ! Qeveria kundër popullit të vet.
E para gjë që bën rëndom njeriu sa kthehet në shtëpi është ndezja e televizorit. Mora pultin dhe fillova të kërkoj kanalet te analogia. Shtyp të parin, të dytin, të tretin dhe kështu me rradhë. Asnjë kanal në ekran.As Klan, as Top Channel, as News 24,as Ora news, po asnjë fare. Kërkova për TVSH meqë është kanal publik dhe paguajmë taksë për të. As TVSH nuk dilte gjëkundi. Ekran i zi. Pyeta dikë dhe më tha që duhet tëblesh një aparat të ri, ose duhet të blesh digitalb, ose tring, ose të ndërosh televizorin.
Tani do shkoj të blej aparatin e duhur. Nuk e di sa kushton. Por pa Tv në shtëpi nuk ri dot. Kam një pyetje. Si ka mundësi kjo?! Si ka mundësi të ndodhë një poshtërsi e tillë. Si mund të na detyrojnë me zor të blejmë aparatet që shesin bizneset e tyre për të parë kanalet dhe emisionet bazike.
Si ka mundësi që kjo qeveri leshi i lejon oligarkët ta rrjepin këtë popull në këtë farë feje?! Kush e mbron qytetarin?! Kush duhet ta mbrojë interesin publik? Si mund të na detyroni të blejmë aparat pas aparati për të parë ca emisione bazike?! Si mund të ndodhë që të mos kemi mundësi të shikojmë të paktën kanalin TVSh që ne e paguajmë njëherë?!
Si i bëhet me qytetarët që nuk kanë mundësi financiare që ta blejnë një aparat të tillë?! Kush i mbron ata në rast se nuk e bën këtë punë as shteti i tyre?! Çfarë është kjo poshtërsi?!
Kush je ti mor Edi Rama? O qelbësirë që na u bëre peshqesh ! Partia Demokratike dhe opozita, veçanërisht komisioni i mediave duhet të reagojë për këtë qelbërsillëk qeveritar. As në diktaturë nuk ndodhte një terr i tillë informativ. Erësirë totale. Xëx !
