‘Arrest me burg’ ka qenë masa e dhënë nga Gjykata e Gjirokastrës për babë e bir, Hetem Muho, 59 vjeç dhe Dino Muho, 20 vjeç. Ata u arrestuan për vrasjen e 43-vjeçarit nga fshati Rabije, Alket Muho, i cili njihej edhe si personi që kishte denoncuar disa herë në polici dhe SHÇKB për parcelat me kanabis afër fshatit ku banonte. Ashtu si gjatë marrjes në pyetje në polici edhe sot në gjykatë, dy të arrestuarit mohuan akuzat e vrasjes dhe thanë se ndodheshin rastësisht në fshatin Rabije. Ndërkohë, fotot e mëposhtme i korrespondojnë një prej të akuzuarve për këtë vrasje, 20-vjeçarit Dino Muho.
