Juli Hoxha, vajza e ish-ministrit të ndërtimit Farudin Hoxha, i ka dedikuar të atit një shkrim në një vjetorin e vdekjes.
“E bekuar si bija jote, me gjithe dashurine qe me dhe, me gjithshka me mesove dhe edukove. Ti je ne themel te asaj c’ka jam. Krenare per ty babush! Te qofte dheu I lehte”, ka shkruar Juli.
Farudin Hoxha, i cilësuar dhe si “babai” i digave në vend, ka qenë akademik, ish-ministri i ndërtimit dhe projektuesi i shumë veprave hidroenergjetike në Shqipëri, ndërsa është shuar nga jeta një vit më parë, në moshën 82 vjeçare.
Kush ishte Farudin Hoxha (1936-2017)
Inxhinier hidroteknik, profesor, akademik. Lindi në Gjirokastër. Kreu Politeknikumin e Tiranës dhe ndoqi studimet e larta për ndërtime hidroenergjetike në Budapest e Sofje; u diplomua më 1961 në UT. Prej vitit 1961 ka punuar në Institutin Shtetëror të Projektimit në Tiranë, në Drejtorinë e Hidrocentraleve dhe më vonë në Institutin e Studimeve dhe të Projektimeve të Hidrocentraleve, Nënstacioneve dhe Linjave të Tensionit të Lartë.
Në vitin 1971 për një periudhë gjashtëmujore, kam kryer specializimin pasuniversitar në Francë për mekanikën e dherave dhe ndërtimin e digave të larta me materiale vendi ose rrethanorë. Pavarësisht nga detyrat e tjera që ju ngarkuan, profesori ka vazhduar rregullisht punën studimore e projektuese në këtë Institut deri në mesin e vitit 1993.
Nga nëntori 1982 deri në maj 1988, ka qenë Ministër i Ndërtimit dhe më pas deri në 21 shkurt 1991, kur ka dhënë dorëheqjen dhe është larguar nga Qeveria, ka qenë ministër pranë Këshillit të Ministrave për bashkëpunimin ekonomik me jashtë. Ka qenë anëtar i grupit qendror për studimet, projektimet dhe ndërtimet e veprave hidroenergjitike në Shqipëri:
