Policia e Gjirokastrës ka dhënë për mediat një informacion paraprak lidhur me aksidentin që ndodhi mesditën e sotme pranë Urës së Kardhiqit. Më poshtë njoftimi.
Njoftohemi se rreth orës 13:30 në vendin e quajtur Ura e Kardhiqit, Gjirokastër, shtetasja Ermira Çuberi, 41 vjeçe, banuese në Gjirokastër duke drejtuar automjetin tip “Mercedes-Benz”, me targa AA 442 OF, ka humbur kontrollin e mjetit dhe per pasoje ka dale nga rruga.
Në momentin e aksidentit ndodheshin në makine vajzat e saj 7 dhe 9 vjeçare si dhe nëna e saj V.B, 67 vjeçe, te cilat kane pesuar lendime dhe ndodhen në spitalin rajonal “Omer Nishani” Gjirokastër për të marrë ndihmën e nevojshme mjeksore, për momentin jashtë rrezikut për jetën.
Në vendngjarje ka shkuar grupi hetimor i cili po punon për zbardhjen e plotë të rrethanave të ngjarjes.
